No comments yet

Mhoje pattlean ieiat …..

“Mhoje pattlean ieiat ani tumkam Hanv mon’xank dhortat tosle khavi kortolo”. Him utram Jezun Galileiachea doriache deger cholta astana, Pedru mhunnttat to Simanv ani tachea bhava Andre – doriant pager martana mhonl’lim. Te kharvi asle ani sogllem sanddun Jezucho tannim pattlav kelo. (Mt 4:18-20)

“Ho polleiat, Devacho Menddro”. Hi utram Juanv Baptistan  Jezu vixi mhonl’lim ani dogam xisamnim Jezucho pattlav  kelo. Dogam bhitorlo, eklo Andre aslo. Jezu sangata dis bhor raulea uprant, Jezucho patlav tannem kelo ani aplea bhava Simanv Pedruk sanglem (Jh 1; 37-39)

Jezu panch hozar lokak jevonn dita tednam, konn eka bhurgeam lagim panch undde ani don masllio asat mhonn sanglleo. (Jh 6: 8-9)

Dev mondirachem nisontton, koxtt ani dhumalle, kednam ietole he vixim Andre, Pedru, Jacob ani Juanv, Jezu lagim bhasabhas  kortat. (Mk 13, 1-4)

Bhagevont Andre, poilo apoilolo (first called) aspostle. Pedru, Juanv ani Jacob, tanche borobor to Jezucho lagxil’lo apostle.  Jezucho pattlav korche pasot sogllem to soddta ani onbhovllolea Jezuchi moro porian porgottnim korta. Tachem moronn Patras, Greece desant zalem, ani apleak ‘X shaped Cross’ oslea khursar khillaunk tannem maglem. Kiteak Jezu melolo toslea khursacher apleak moronn favo nhoi mhonn to somzolo.

Novembrachi 30ver, ami amchea askarea Bhagevont Andre-chi porob somorombhtanv. Tachem jivit niallun ani ami tachi dekh gheun Jezuchi khorim pattlaudaram  zaunk amkam soglleank adar magum-ia.

Fr. Socoro Colaco

Post a comment