No comments yet

Povitr Atmo ….

Amchea Somia, Jezu Kristan, hea sonvsarantlo veche adim aplea xisank Povitr Atmo bhasailo: “Tumi mhozo mog kortat zalear mhojeo adnia samballtoleat, ani Hanv Bapa kodde magtolom ani To tumkam anink ek Xaroti ditolo ani Ho tumche sovem sodankal astolo”. (Jn 14: 15-16). Before His death Jesus, our Lord, promised to send the Holy Spirit to those who love him and keep His commandments. Zo monis  Jezucho mog korta ani Tacheo adnia pallta, tea monxak Dev Bap Jezun bhasailolo Atmo, sotacho Atmo, dita. Jezun xisank mhollem “Azun zaiteo vostu Hanvem tumkam sangcheo asat, punn teo tumchean atam monant gheunk zainant. Sotacho Atmo ietolo tednam, to tumkam purn sot xikoitolo ani ghoddchem asa tem sogllem kolloitolo” (Jn 16: 12-13). Fokot Povitr Atmo Deva vhoir zaiti xikonn dita. Fokot ami Povitr Atmeache suchovnnen chol’learuch amchea Somia Jezu Kristan, xikoilelea khorea Kristanvponnan jieunk, mhollear, Jezuche khore vatten cholunk, amche lagim zatelem. Sonvsarant ximpoddloleam chodd-xea Kristanvam lagim Jezuchea utra pormonnem eka-monachim ani eka kallzachim zaun eka-mekacho usko dorun, ekamekak somzun ani bhogsun, eka-mekachea gorzank pavun ani ekamkeka pasot teag korun, nitin ani sotan jieunk zaina, kiteak Povitr Atmo amche bhitor jieta mhunn ami noklonv, dekun tacho adhar magunk ami chuktanv. Povitr Atmeache sangnne pormonnem ami koxim cholteleanv?

Poile svater Povitr Atmeache asnneache zagrutaien jieunk ani To amche bhitorlean uloita ani suchoita tem aikunk ani tea pormonnem Devachea utra pormonnem, Maim Marie bhaxen, zaitim borim follam diun Bapachi khoxi korunk zai. Bhagevont Paulu udexim Dev amkam sangta: “Tumi Devachem mondir, ani Devacho Atmo tumche sovem tthikann korun asa mhonn tumkam khobor nam? Zor konnui Devachea mondirachem nisontttonn kortit, tor Dev tancho nas kortolo; kiteak Devachem mondir povitr ani tumich hem mondir!”.  “Do you not know that you are God’s temple and that God’s Spirit dwells in you? If anyone destroys God’s temple, God will destroy that person. For God’s temple is holy, and you are that temple” (1 Cor 3: 16-17). Konn Devacho khoro put ani khori dhuv? Korintkarank boroun Bhagivont Paulu mhonntta: “Jim konn Povitr Atmeache suchovnnen choltat tim ki khorim Devachim bhurgim”. “Those who are led by the Holy Spirit are truly children of God” (Rom 8: 14). Devachim khorim bhurgim ami zaunk Povitr Atmeache sfurtin (inspiration) jieunk ekdom gorjechem.

Hea toddeam utram vorvim vachteleank hanv sangunk sodtam tem hem: Povitr Atmo, Tisro zonn Povitr Tritvecho, To-i Dev, amche bhitor sodanch jieta; ami khorim Devachim bhurgim koxim jieunk Taka amkam adhar koso dila. Tachea adhara bhair, mhollear, tache suchovnne bhair amchean Devachea utra pormonnem mogan, eka-monachim ani eka kallzachim koxim amchean jieunk zaina. Dekun Tachi bhokti (devosanv) ami korunk zai, mhollear, Tachea asnneache zagrutaien sodanch jieunk zai ani tache suchovnne (inspiration) pormonnem boreo kornneo korun Devachi khoxi sodanch korunk zai.

Chear vorsam hea firgojent borem Jezuchem kam korun ani amche porjechi bore bhaxen ani mogan seva kelea uprant ani tin vorsam mhojea borabor khorea bhavponnan ani ixttagotin ani somjikaien sarlea uprant amcho Pe. Kur, Fr. Pedro Costa, Taleigaonche firgojent gelo. Bhorpur Povitr Atmeachi bhorti, bori bolaiki, nettan keloli porjechi seva, ekcharachem vattavoronn ani sogllem borem te firgojent ami taka anvddetanv.

Amchea novea Pe. Kurak, Fr. Socorro Colaҫo- haka ami maiemogacho ieukar ditanv ani amchoch bhav ani ixtt koso vagoiteleanv mhonn bhas ditanv.

Post a comment